Hápunktar: Loftbólur í Abraham Lake
Að loknum morgunverð höldum við til bæjar sem heitir því skemmtilega nafni Rocky Mountain House þar munum við gista næstu 2 nætur. Við komuna borðum við hádegisverð og ferðbúumst fyrir sólseturs myndatökur. Vatnið er umvafið fallegum fjallstoppum og er svæðið mikil útivistarparadís á sumrin. Hins vegar yfir vetrarmánuðina umbreytist vatnið Abraham Lake á einstakan máta sérstaklega fyrir ljósmyndara. Þegar vatnið leggur og metan gas frá rotnandi plöntuhlutum á botni vatnsins festist undir ísnum sem myndar óvenjulegt sjónarspil en loftbólurnar liggja í mörgum lögum undir ísnum.
Auk þess eru sprungur í ísnum sem ásamt loftbólunum mynda einstakan forgrunn sem leiða áhorfandann að fjallgarðinum fyrir ofan. Þessar myndir verða síðan enn fallegri í tilkomumiklu morgun/kvöld sólarljósi. Við höfum tvö tækifæri til að mynda vatnið við sólarupprás og sólsetur og val um tvær megin staðsetningar við vatnið svo tíminn er nægur til að velja hentugt svæði með myndvænum loftbólum og góðri myndbyggingu. Hafið í huga að ástæður þess að svæðið er þekkt fyrir þessar loftbólur vegna vindstyrksinis á svæðinu sem heldur ísnum snjólausum og gefur okkur þar með einstök myndtækifæri. Klæðnaði þarf að hátta í samræmi við það.
Á öðrum degi okkar við vatnið munum við einnig leita eftir dýralífi við Abraham Lake og umræðuefni kvöldfyrirlestursins er myndvinnsla og stutt kennsla í “focus stacking”.

Hápunktar: Preacher’s Point og Tangle Peak
Loka morguninn okkar við Abraham Lake myndum við sólarupprásina við Preacher’s Point. Þessi staður er þekktastur fyrir gríðarlegar sprungur í ísnum þar sem áin North Saskatchewan rennur út í vatnið. Eftir sólarupprás stoppum við í snemmbúinn hádegisverð í Nordegg og förum svo meðfram Icefields Parkway áleiðis til Jasper. Icefields Parkway er fjallasalur með tilkomumiklum fjöllum líkt og Tangle Peak sem er einmitt myndefni okkar við sólsetur. Að tökum loknum höldum við til Jasper í kvöldverð og nætursvefn.

Hápunktar: Lake Louise, Natural Bridge, Emerald Lake
Eftir marga daga við að mynda eingöngu frosin vötn er komið að því að skoða spegilmyndun á vatni. Við gistum við vatnið Lake Louise, og er eingöngu 10 mín akstur þaðan í svæðið sem við myndum sólarupprásina. Eftir morguntökur okkar við Fairmont Chateau Lake Louise höldum við aftur á hótelið og bætum í þekkingu okkar í myndvinnslu með fyrirlestri. Að fyrirlestri og hádegismat loknum keyrum við í Yoho þjóðgarðinn þar sem við munum fara á bakvið frosinn foss og síðan höldum við áfram að vatninu Emerald Lake og upplifum einstakt útsýni og tökum sólseturs myndir. Við förum svo aftur á hótelið í Lake Louise í kvöldverð og nætursvefn.

Hápunktar: Castle Mountain, Johnson Canyon, Vermillion Lake
Við kveðjum Lake Louise og á leið okkar til Jasper stoppum við í sólarupprás við Castle Mountain. Eftir það ferðumst við til Johnson Canyon þar sem við leggjum í gönguferð ca. 2.5 – 5 km leið til að mynda fallegan foss, einstakar steinmyndanir og mögulega ísklifrara! Við ferðumst áfram til Banff og njótum hádegisverðar og örlítillar hvíldar. Sólsetur er skipulagt við Vermillion Lake.

Hápunktar: Mt. Rundle, dýralíf, Three Sisters
Sólsetur er afar fallegt við Vermillion, en sólarupprásin þar er enn fegurri og það ætlum við að mynda. Við myndum einnig Mt. Rundle frá öðrum stað við Vermillion vatnið og leitumst svo við að finna elg til að mynda. Nú ríður á að vera rétt græjaður og með réttu linsuna, ef við skyldum finna þá. Eftir útskráningu af hóteli í Banff keyrum við til bæjarins Canmore og borðum hádegismat og skoðum svo árbakkana áður en við höldum í sólseturs myndatökur við hinar frægu Þrjár Systur, Three Sisters. Að tökum loknum snúum við aftur til Calgary til að njóta síðasta kvöldverðarins saman og gistum þar.